דאס הארץ פלאמט און ברענט, געווארט אויף דעם אזויפיל טעג

אויף דעם מאמענט, צום רבי'ן פארן דעם לאנגען וועג

אט איז די זמן, ביים צדיק וועל איך זיין

ג' אייר, אין קערעסטיר

פון די גאנצע וועלט, אידישע קינדער קומען צו גיין

צו דעם געצעלט, וויינען דארט ביים צדיק'ס שטיין

אז מ'זאל זעהן, אז ניסים זאל געשעהן

קום מיט מיר, קיין קערעסטיר

אזויפיל קדושה אריינגעלייגט, האט דער צדיק אלעמאל

יעדעס שטיינדעלע איז דורכגעווייקט מיט פיל אהבת ישראל

אורחים בייטאג און ביינאכט, דער צדיק'ס פנים לייכט

ער אליין ברענגט צו עסן, און ווינטש יעדן שיין

בעת נעילת שער אינמיטן יום כיפור די רבי לויפט ארויס

אנגרייטן צו עסן פאר די אידן, וואס פאסטן באלד שוין אויס

די רבי אליין זאגט הויך, צו מופתים האט מען א כח

ווען מ'האט ליב א צווייטן ווי זיך אליין

ווי זיך אליין...

געווען באוויסט באקאנט, אז דא איז די פלאץ פאר יעדן איד

ביז אפילו היינט, אפענע ניסים פון דארט מען ציט

א לעכטיגקייט, עס איז נאך אפן ברייט

דעם צדיק'ס טיר, אין קערעסטיר

שוין יארן פארלאפן, עס איז נאך אפן, די שערי רחמים

ס'איז חושך אפילה, אוי רבי ישע'ילע, קוק דיך ווייטער אום

דער גלות איז אזוי שווער, מיר קענען שוין נישט מער

ווער וועט אונז העלפן, ס'שוין נישטא ווער

אזויווי ביים לעבן ניסים און ווינדער, האסטו צוגעזאגט

קוק דארט פון הימל אויף אידישע קינדער, שווערע צרות עס פלאגט

השפעות אן א שיעור, די שליסל ליגט ביי דיר

ביים צדיק רבי ישעי'לע פון קערעסטיר

ביים צדיק רבי ישעי'לע פון קערעסטיר...